Tinna Jóhannsdóttir fer í atvinnumennskuna

Stefnan sett á Evróputúrinn

Stjórn PGA á Íslandi samþykkti umsókn Tinnu Jóhannsdóttur um inngöngu í félagið sem spilandi atvinnumaður. Tinna sem var efst íslenskra kvenna á áhugaheimslista R&A söðlar því um og ætlar að spreyta sig á meðal þeirra bestu.

Tinna stefnir á að taka þátt í Cactus Tour sem er alfarið spilaður á Phoenix svæðinu í bandaríkjunum en Tinna er með aðstöðu til æfinga í háskólanum sem hún stundaði nám við í San Francisco.  Keppnin  er hugsað sem undanfari fyrir kvenkylfinga sem ætla að reyna fyrir sér á LPGA.  Tinna stefnir á að keppa á sínu fyrsta móti sem atvinnumaður á Cactus túrnum þann 19. September næstkomandi . Það mót verður haldið á Wigwam vellinum og stefnir  Tinna á að spila þrjú til fjögur mót til viðbótar á þeim túr sem endar um miðjan nóvember.

Í framhaldinu er stefnan svo sett á úrtökumótið fyrir Evrópu túrinn, en fyrsta stigið byrjar 8 janúar á La Manga golfvellinum í Murcia Spáni.

Að sögn Tinnu er hún gríðarlega spennt fyrir framhaldinu, hún hefur fengið mikinn stuðning bæði hér heima sem og erlendis og æfir við topp aðstæður þannig að framtíðin er björt hjá þessum efnilega kylfingi.

This entry was posted in Atvinnuspilarar. Bookmark the permalink.

Comments are closed.