Tímabilið sem um ræðir er júní til ágúst.

Um er að ræða umsjón með unglingastarfi klúbbsins en einnig eru miklir möguleikar með kennslu fyrir eldri kylfinga klúbbsins.

Mikill áhugi er hjá þessum klúbbum að efla barna-og unglingastarf  og fá fleiri „fullorðna“ til að stunda golfíþróttina á svæðinu. Kennslan færi  fram á báðum stöðum. Við leitum að kennara í fullt starf eða hlutastarf, vinna í boði ef áhugi er fyrir hendi.

Blönduós stendur við þjóðveginn og er um það bil 15 mínútna akstur frá Blönduósi til Skagastrandar. Vatnahverfisvöllur er á Blönduósi og Háagerðisvöllur á Skagaströnd. Báðir vellirnir eru 9 holu vellir í fallegu umhverfi  fjarri ys og þys. Í þessum tveimur klúbbum eru um það bil 80 félagar.

Tilvalið starf fyrir áhugasaman og metnaðarfullan  kennara sem vill taka þátt í uppbyggingu á landsbyggðinni  sem skilar af sér upprennandi golfsnillingum.

Frekari upplýsingar gefa:

Jóhanna G. Jónasdóttir, formaður GÓS.  Sími 864 4846. Netfang: jgjon@mi.is
Ingibergur  Guðmundsson,  formaður GSK.  Sími: 892 3080. Netfang: ig@simnet.is

Þá var ákveðið að leggja áherslu á að endurtaka Pæjugolfið sem var eitt af útskriftarverkefnum nema í golfkennaraskólanum á síðasta ári. Þetta verkefni er sniðið að því markmiði að auka vægi golfíþróttarinnar sem fjölskylduíþróttar og verður því mikill metnaður lagður í þetta verkefni.

Stjórn PGA var endurkjörinn með þeirri breytingu þó að úr stjórn fór Jóhann Hjaltason og í hans stað kom Brynjar Eldon. Stjórn PGA á Íslandi er því þannig skipuð: Sigurpáll Geir Sveinsson, Ingi Rúnar Gíslason, Einar Lyng, Jón Þorsteinn Hjartarson og Brynjar Eldon.
Fyrir utan hefðbundin aðalfundarstörf fengu kylfingur ársins 2011 og kennari ársins 2011 viðurkenningar.

PGA kylfingur ársins var valinn Birgir Leifur Hafþórsson en hann hlaut nafnbótina jafnframt á síðasta ári. Birgir Leifur er vel að nafnbótinni kominn en hann er í dag okkar fremsti kylfingur, reyndi hann meðal annars fyrir sér í fyrsta sinn á bandarísku PGA mótaröðina og komst upp á annað stig. Hann reyndi jafnframt að endurnýja þátttökurétt sinn á Evrópsku mótaröðina sem hann missti eftir bakmeiðsli og komst sömuleiðis á annað stig úrtökumótsins. Birgir Leifur mun taka þátt í Evrópsku Áskorendamótaröðinni í ár og verður spennandi að fylgjast með honum spreyta sig á henni.

Derrick hlýtur nafnbótina PGA kennari ársins 2011

Derrick Moore var útnefndur Kennari ársins, fyrir framúrskarandi störf við afreksþjálfun kylfinga úr GKG, landsliðsins og störf við PGA Golfkennara-skólann. Derrick hefur komið nálægt mörgum kylfingnum í störfum sínum við barna og unglingastarf og hefur fjöldinn allur af okkar bestu og efnilegustu kylfingum notið leiðsagnar Derricks einhverntíman á keppnisferlinum.

Hefð er fyrir því að halda árlegt pútt mót atvinnumanna samhliða aðalfundinum. Baráttan var hörð í ár og var úrslitaviðureignin á milli þeirra Einars Lyng og Magnúsar Birgissonar. Einar átti titil að verja frá því árinu á undan en varð á endanum að játa sig sigraðan. Það varð því Magnús Birgisson sem var krýndur PGA Pútt meistarinn 2011 og hlotnast þann heiður að klæðast hinni eftirsóttu grænu lopapeysu þetta árið.

Mæting er kl. 11.00. , þá mun Agnar Már að halda fyrirlestur um það sem helst brann á mönnum á aðalfundi PGA‘s of Europe .

Eftir kynninguna verður léttur hádegisverður í boði PGA.

Kl. 13.00 ætlum við að skipta félögum uppí 3 vinnuhópa og fá umræður og hugmyndir varðandi eftirfarandi þrjú atriði.

1. Pæjugolf PGA 2012.                  2. Tekjumöguleikar PGA                 3. Mótamál PGA

Þegar þessari vinnu lýkur höldum við  Púttmót PGA 2012. Einar Lyng hefur titil (lopapeysu) að verja og ætlar hann ekki að láta titilinn af hendi svo auðveldlega.

Aðalfundurinn verður svo settur kl. 16.00, samkvæmt lögboðinni dagskrá og ætti að ljúka um kl. 17.00

-Stórkostlegt tækifæri fyrir hinn almenna kylfing að eyða sex dögum með mörgum af okkar bestu kylfingum-

Golfskólinn er hugsaður bæði fyrir nýbyrjendur sem og þá sem lengra eru komnir. Það verða 4 kylfingar um hvern kennara þannig að gæðin á skólanum eru einstök.

Golfskólinn verður á Costa Ballena og er æfingasvæðið eitt hið besta í Evrópu. Prógrammið er stíft fyrir þá sem hafa metnað fyrir því að ná sem mestri kennslu og spili út úr ferðinni en sveigjanleikinn er jafnframt fyrir hendi fyrir þá sem vilja njóta ferðarinnar og því er skólinn mjög hentugur fyrir hjón.

Völlurinn er 27 holur og punkturinn yfir i-ið er frábær par þrjú völlur sem hentar vel fyrir byrjendur sem og þá sem vilja leggja áherslu á stutta spilið.

Allar nánari upplýsingar er að finna hér ->  Golfskóli útskriftarnema PGA Costa Ballena mars 2012

Landslið Íslands skipað atvinnumönnum í golfi hefur leik í dag í Evrópukeppni landsliða sem haldin er í Portúgal. Keppnin fer fram á Vale do Lobo golfvellinum, hún er haldin af PGA‘s of Europe og eru aðalstyrktaraðilarnir Ryder Cup og Glenmuir. Spilaðir eru fjórir hringir og eru 23 landsliðsem taka þátt.

Úlfar, Sigupáll og Ólafur

Íslenska landsliðið er skipað þeim Úlfari Jónssyni sem er liðsstjóri ásamt þeim Sigurpáli Geir Sveinssyni og Ólafi H. Jóhannessyni. Landsliðið spilaði æfingahring í dag og að sögn Úlfars, þá er völlurinn mjög krefjandi, miklar rigningar undanfarna daga gera hann þungan þar sem boltinn stöðvast nánast þar sem hann lendir. Þar sem völlurinn er töluvert langur þá þýðir ekkert annað en að vera vel á boltanum. Flatirnar taka vel við þannig tilfinningin er engu að síður góð eftir æfingahringinn, öll umgjörð er til fyrirmyndar og það ríkir eftirvænting í liðinu að hefja leik.

Þeir Úlfar, Sigurpáll og Ólafur unnu sér þátttöku rétt með því að vera þremur efstu sætunum á PGA meistaramóti Íslands sem haldið var síðasta sumar.

Tinna spilaði lauk sínu fyrsta atvinnumannamóti í dag með glæsilega frammistöðu, þar sem hún endaði í i sjötta sæti á Cactus Tour. Tinna spilaði á 76-71-71 = 218 höggum og hlaut í verðlaun USD 750,-.

Ólafur Már Sigurðsson er í glæsilegri stöðu fyrir síðasta hringinn á fyrsta stigi úrtökumóts Evróputúrsins. Hann er í 21 sæti en 22 efstu kylfingarnir komast áfram á annað stig úrtökumótsins. Ólafur Már spilaði á 69 höggum í dag eða á þremur höggum undir pari og er samtals á tveim höggum undir pari.

Þórður Rafn Gissurarson tekur þátt í sama móti og Ólafur og hefur ekki alveg náð sér á strik. Fyrir loka hringinn er hann á 13 höggum yfir pari og í 74. Sæti.

Þá er Birgir Leifur Hafþórsson að spila glæsilega á Evrópu túrnum, hann spilaði í dag fyrsta hringinn á 69 höggum og er í sjötta sæti.

Ólafur Már er í 38. sæti eftir tvo hringi, hann spilaði fyrri hringinn á parinu eða 72 höggum og þann seinni á einu yfir pari eða 73 höggum. Þórður rafn er í 79. sæti en hann spilaði báða hringina á 76 höggum og er því samtals á 8 höggum yfir parinu.

Af 92 kylfingum munu 22 komast áfram á annað stig úrtökumótssins sem spilað verður á Spáni.

Fylgjast má með stöðunni á mótinu hér