Ólafía Þórunn PGA meistari og kylfingur ársins 2016

IMG_2227

Ólafía Þórunn Kristinsdóttir hlaut í vetur PGA verðlaunin Kylfingur ársins og PGA meistari ársins 2016 (sem er sá kylfingur sem nær bestum árangri í Íslandsmótinu í höggleik).  Hún er eins og alþjóð veit mjög upptekin þessi misserin en náði að koma við hjá okkur á dögunum og veita verðlaununum viðtöku. Við auðvitað þökkum henni fyrir það – bæði fyrir að koma til okkar og að vera svona upptekin í golfinu  :-)
Til hamingju Ólafía!

 

Posted in PGA | Lokað fyrir athugasemdir

Golfklúbburinn Leynir óskar eftir golfkennara til starfa.

Staða íþróttastjóra Golfklúbbsins Leynis.

Íþróttastjóri gegnir lykilhlutverki í starfi klúbbsins og hefur umsjón með skipulagi og þjálfun kylfinga í klúbbnum.

STARFSSVIÐ

- Stefnumótun og markmiðasetning varðandi golfþjálfun.
- Ábyrgð á skipulagi og framkvæmd þjálfunar barna og unglinga.
- Ábyrgð á skipulagi og framkvæmd þjálfunar afrekskylfinga.
- Ábyrgð á þjónustu við almenna kylfinga á sviði þjálfunar.
- Upplýsingagjöf og samstarf við stjórn og nefndir klúbbsins.

MENNTUNAR- OG HÆFNISKRÖFUR

- Viðurkennt PGA golfkennaranám, PGA nemi eða annað sambærilegt nám.
- Reynsla af sambærilegu starfi kostur.
- Leiðtogahæfni, frumkvæði og sjálfstæði í vinnubrögðum.
- Geta til að tjá sig í ræðu og riti.
- Jákvæðni, þjónustulund og hæfni í mannlegum samskiptum.

Umsóknum skal fylgja greinargóð ferilskrá umsækjenda. Senda skal umsóknir á netfangið leynir@leynir.is merkt golfkennari fyrir 28. febrúar 2017.
Nánari upplýsingar um starfið veitir framkvæmdastjóri Golfklúbbsins Leynis í síma 896-2711 og á netfanginu gs@leynir.is

 

 

 

Posted in Störf | Lokað fyrir athugasemdir

Geoff Mangum kom til landsins

IMG_1277 (2)Helgina 11. – 12. febrúar kom púttsérfræðingurinn Geoff Mangum til landsins. Óhætt er að fullyrða að hann hafi stúderað allt sem viðkemur púttum síðastliðna áratugi en hægt er að segja að hann hafi í raun helgað líf sitt rannsóknum sem snúa að púttum. Hann deildi þekkingu sinni með PGA meðlimum, allt frá því að ræða um anatómíu til stærðfræðilíkana sem hjálpa okkur að lesa flatir – og allt þar á milli. Þarna er maður með einstaka ástríðu fyrir golfíþróttinni og frábært fyrir PGA fólk að hafa fengið að hitta hann. Íslenskir kylfingar munu klárlega njóta góðs af þessu námskeiði í gegnum PGA kennara sína.

IMG_1294 (1) IMG_1259

Posted in PGA | Lokað fyrir athugasemdir

Aðalfundur PGA 2017

Síðastliðinn laugardag, 21. janúar hittust PGA meðlimir á aðalfundi félagsins sem haldinn var í húsakynnum GKG að þessu sinni. Venjan hefur verið sú að nota tækifærið á þessum degi, fræðast meira og hafa gaman. Í ár var það körfuboltaþjálfarinn Pálmar Ragnarsson sem hélt fyrirlestur um þjálfun barna og unglinga. Pálmar hefur náð frábærum árangri með þeirri aðferðafræði sem hann beitir og kynnti fyrir félagsmönnum. Flottur fyrirlestur og mun án efa nýtast við störf golfþjálfaranna í framhaldinu. Nýráðinn landsliðsþjálfari Jussi Pitkanen kynnti sig og þá framtíðarsýn sem hann hefur á afreksgolfi landsins. Mjög áhugavert og mikilvægt fyrir þjálfarana að hitta hann og byggja grunn að góðri samvinnu. Að auki fór fram hin árlega púttkeppni sem að þessu sinni var undir stjórn Jussi og var það fráfarandi landsliðsþjálfari Úlfar Jónsson sem bar sigur úr býtum. Fyrir það hlaut Úlfar hina margrómuðu grænu peysu ásamt gjafabréfi hjá Álafoss.

IMG_0989Það helsta sem fór fram á aðalfundinum var að Hlynur Geir Hjartarson formaður fór yfir skýrslu stjórnar og Andrea Ásgrímsdóttir framkvæmdastjóri fór yfir reikninga félagsins og lagabreytingar. Eftirfarandi aðilar voru kosnir í stjórn félagsins 2017: Agnar Már Jónsson, Birgir Leifur Hafþórsson, Helgi Anton Eiríksson, Hlynur Geir Hjartarson, Hulda Birna Baldursdóttir, Karl Ómar Karlsson, Nökkvi Gunnarsson, og Sturla Höskuldsson.

IMG_0991Að auki skrifuðu formaður PGA, Hlynur Geir og forseti GSÍ, Haukur Örn Birgisson undir þriggja ára samning um samstarf félaganna og hlakkar félagið til að eiga áframhaldandi gott samstarf við Golfsambandið.

 

 

Í lokin voru eftirfarandi veitt verðlaun fyrir árangur ársins:

PGA meistari ársins/stigameistari:
(Stigameistari PGA. Sá aðili innan PGA sem nær bestum árangri (lægsta skor, óháð kyni) á Íslandsmótinu í höggleik.).
Ólafía Þórunn Kristinsdóttir

PGA kylfingur ársins:
Ólafía Þórunn Kristinsdóttir

PGA öldungameistari ársins:
Sigurður Hafsteinsson.

PGA kennari ársins:
Derrick Moore

Verðlaun fyrir PGA mótaröð, styrkt af Samsung.
Björgvin Sigurbergsson
Sigurpáll Geir Sveinsson
Heiðar Davíð Bragason

Þar sem Ólafía var að undirbúa sig á Bahamas fyrir sitt fyrsta mót á LPGA mótaröðinni mun henni verða afhent verðlaunin við betra tækifæri.

Derrick Moore, afreksþjálfari GKG var valinn kennari ársins af félagsmönnum og er það í þriðja skiptið sem hann hlýtur þann titil.

Sigurður Hafsteinsson hafði betur í baráttu við Sigurð Pétursson og hlaut fyrir vikið titilinn PGA öldungameistari ársins 2016.

Samsung mótaröðin svokallaða var á dagskrá fyrir félagsmenn og voru það Björgvin, Sigurpáll og Heiðar Davíð sem voru í efstu þrem sætunum. Fyrir það fengu þeir allir Samsung síma og þakkar félagið Samsung kærlega fyrir þeirra stuðning.

Innilegar hamingjuóskir til þeirra allra!

IMG_0996 IMG_0998

Posted in PGA | Lokað fyrir athugasemdir

Derrick valinn PGA kennari ársins

Aðalfundur PGA á Íslandi, fór fram s.l. laugardag 22. nóvember í golfskála GKG.

Derrick_kennariarsinsAfreksþjálfari GKG, Derrick John Moore, var útnefndur PGA kennari ársins fyrir árið 2016. PGA á Íslandi stóð fyrir kosningu meðal félagsmanna, þar sem Derrick var einn af fimm tilnefndum kennurum. Þetta er í þriðja sinn sem Derrick hlýtur þennan mikla heiður, en PGA samtökin útnefndu fyrst kennara ársins árið 2007.

Við óskum Derrick innilega til hamingju með þessa miklu viðurkenningu.

Hér má sjá lista yfir þá kennara sem hlotið hafa viðurkenninguna PGA kennari ársins.

 

Posted in Fréttatilkynningar | Lokað fyrir athugasemdir