Laus er til umsóknar staða yfirgolfkennara í Básum.
Yfirgolfkennari Bása mun gegna því hlutverki að sinna golfkennslu fyrir félagsmenn í Golfklúbbi Reykjavíkur ásamt því að halda úti kennslu fyrir aðra kylfinga. Básar er golfæfingasvæði í Grafarholti og þar eru aðstæður til golfæfinga eins og þær gerast bestar.
Golfklúbbur Reykjavíkur er með tæplega þrjú þúsund félagsmenn. Í Básum er að finna eina fullkomnustu golfkennsluaðstöðu landsins, þar er hægt að æfa utandyra allan ársins hring á flóðlýstu æfingasvæði. Þar er einnig að finna upphitað einkakennslurými, þar sem hægt að hafa opnar dyr út á æfingasvæðið.
Nánar má lesa um Bása á netfanginu www.basar.is
Starfssvið:

• Stefnumótun og markmiðasetning varðandi golfkennslu fyrir félagsmenn GR
• Ábyrgð á þjónustu við almenna kylfinga á sviði þjálfunar
• Upplýsingagjöf og samstarf við framkvæmdastjóra og íþróttastjóra GR

Menntunar- og hæfniskröfur:

• Viðurkennt PGA golfkennaranám
• Reynsla af sambærilegu starfi kostur
• Þekking á Flight Scope er mikill kostur
• Leiðtogahæfni, frumkvæði og sjálfstæði í vinnubrögðum
• Geta til að tjá sig í ræðu og riti
• Jákvæðni, þjónustulund og hæfni í mannlegum samskiptum.

Umsókn skal fylgja greinargóð ferilskrá umsækjanda og kynningarbréf þar sem ástæða umsóknar er tilgreind.
Nánari upplýsingar um starfið veitir Ingi Rúnar Gíslason Íþróttastjóri Golfklúbbs Reykjavíkur á póstfanginu ingi@grgolf.is.
Umsóknarfrestur er til 26. febrúar 2016 og berast á póstfangið ingi@grgolf.is
Allar umsóknir er farið með sem trúnaðarmál