Golfklúbburinn Leynir auglýsir eftir golfkennara

Golfklúbburinn Leynir auglýsir eftir golfkennara. Leynir

Starfssvið

Kemur að stefnumótun og markmiðasetningu varðandi golfþjálfun barna og unglinga ásamt íþróttastjóra GL. Framkvæmd þjálfunar barna og unglinga. Framkvæmd þjálfunar afrekskylfinga. Ábyrgð og framkvæmd á leikjanámsskeiði GL. Ábyrgð og framkvæmd á þjónustu við almenna kylfinga á sviði þjálfunar og námskeiða.

Menntunar- og hæfniskröfur

Viðurkennt PGA golfkennaranám, PGA nemi eða annað sambærilegt nám. Reynsla af sambærilegu starfi kostur. Leiðtogahæfni, frumkvæði og sjálfstæði í vinnubrögðum. Jákvæðni, þjónustulund og hæfni í mannlegum samskiptum.

Umsóknum skal fylgja greinargóð ferilskrá umsækjenda. Senda skal umsóknir á netfangið biggi@leynir.is, merkt golfkennari fyrir 20. febrúar 2018. Nánari upplýsingar veitir íþróttastjóri GL í síma 663 3500 og á netfanginu biggi@leynir.is

 

Posted in Störf | Lokað fyrir athugasemdir

Ólafur Björn Loftsson nýr framkvæmdastjóri PGA á Íslandi

Ólafur Björn Loftsson hefur verið ráðinn framkvæmdastjóri PGA á Íslandi. Hann tekur við starfinu af Andreu Ásgrímsdóttur sem lét af störfum fyrir skömmu.

Ólafur Loftsson og Karl Ómar Karlsson

Ólafur Loftsson og Karl Ómar Karlsson

Ólafur hefur á undanförnum árum starfað í þágu golfhreyfingarinnar og kemur með fjölbreytta innsýn í starfið. Hann er atvinnukylfingur og hefur kynnst vel starfi samtakanna sem félagsmaður síðastliðin fimm ár. Auk þess hefur Ólafur B.S. gráðu í fjármálum og reynslu í viðburðar- og markaðsmálum.

„Við í stjórn PGA viljum bjóða Ólaf velkominn til starfa hjá okkur. Við vitum að hann er mjög metnaðargjarn í öllu sem hann tekur sér fyrir hendur og hefur mikla reynslu á mörgum sviðum sem á tvímælalaust eftir að gera gott starf hjá PGA enn betra“ segir Karl Ómar Karlsson formaður PGA á Íslandi.

„Ég er mjög spenntur að taka þátt í uppbyggingu golfíþróttarinnar á Íslandi og hlakka mikið til að starfa náið með því öfluga fólki innan samtakanna. PGA samtökin hafa verið í sókn undanfarin ár með mikilvægum verkefnum og metnaðarfullum golfkennaraskóla. Það er frábært tækifæri að halda þessu góða starfi áfram og aðstoða við að lyfta PGA á Íslandi á enn hærri stall enda spennandi tímar fram undan.“ segir Ólafur en samhliða starfinu, sem er hlutastarf, mun hann leika sem atvinnukylfingur.

 

Posted in Fréttatilkynningar | Lokað fyrir athugasemdir

Haustþing PGA í Hraunkoti 15.-17. sept.

Dagana 15.-17. september er PGA með haustþingið sitt. Að þessu sinni fer það fram í Hraunkotinu.

Þar koma saman golfkennarar landsins til að afla sér í endurmenntunar.

Mike Hebron PGA sem var útnefndur „Hall of fame teacher árið 2013“ kemur til landsins. Hebron er oftast kallaður „kennari golfkennarana“ Hann er mikils metinn sem fræðimaður á sviði golfþjálfunar og kennslu. Hann var upphafsmaður að koma á laggirnar þjálfunar og kennsluráðstefnu þar sem saman komu yfir 700 golfkennarar frá 14 löndum til að fjalla um hvað, hvernig og hvers vegna er best að læra og æfa golf.

Hann var að gefa út nýja bók sem hægt er að kaupa á Amazon. Bókin heitir LEARNING WITH THE BRAIN IN MIND ( mind sets before skill sets).

Hebron er mikilsvirtur í sínu fagi út um allan heim og hefur kennt meðal annars hjá PGA samböndum eins og í Ameríku, Sviss, Ítalíu, Frakklandi, Spáni, Finnlandi, Kanada, Japan, Svíþjóð, Danmörku, Indlandi, Ástralíu, Englandi, Írlandi, Skotlandi og Wales og nú loksins er hann á leiðinni til Íslands.

Posted in Endurmenntun | Lokað fyrir athugasemdir

PGA á Íslandi auglýsir eftir framkvæmdastjóra

Framkvæmdastjóri PGA á Íslandi

PGA á íslandi leitar að metnaðarfullum einstaklingi sem hefur brennandi áhuga á að vinna að framgangi golfíþróttarinnar með öflugu teymi PGA meðlima. Um er að ræða hlutastarf.

Framkvæmdastjóri PGA sér um daglegan rekstur, samskipti við félagsmenn og samskipti við PGA‘s of Europe. Framkvæmdastjóri situr stjórnarfundi PGA, færir bókhald og gengur frá rekstrarreikningi í árslok. Önnur verkefni framkvæmdastjórans eru viðburðarstjórnun og hann er skólastjóri PGA skólans.

Viðburðastjórnun

Stjórn PGA leggur áherslu á að þau verkefni sem unnið er að séu hnitmiðuð. Verkefnin eru því frekar í færri en fleiri en gerð er krafa um að afraksturinn verði því betri. Helstu verkefni PGA á Íslandi eru:

  • Stelpugolf
  • PGA ProAM
  • PGA unglinga golf
  • Haustþing PGA

Skólastjóri PGA skólans

Skólastjóri PGA skólans ber ábyrgð á því að kennsluáætlun sé fylgt. Hann vinnur með skólanefnd PGA að framþróun kennsluáætlunar og kemur fram fyrir hönd PGA gagnvart Educational Committee PGA‘s of Europe.

Um PGA á íslandi

Skammstöfunin „PGA“ stendur fyrir Professional Golfers Association, eða Samtök atvinnukylfinga. Samtökin á Íslandi voru stofnuð veturinn 1988 og er megintilgangur samtakanna að stuðla að framgangi golfíþróttarinnar á Íslandi. Í ársbyrjun 2017, voru félagsmenn 72 talsins.

PGA á Íslandi rekur Golfkennaraskólann, sem stendur fyrir faglegu og krefjandi golfkennaranámi. Námið er byggt á því besta sem þekkist erlendis. Á síðunni „Golfkennaraskólinn“ eru ýmsar upplýsingar um starfssemi skólans, m.a. námskrá, yfirlit yfir kennara og umsóknareyðublaðið.

Áhugasamir aðilar sendi inn umsóknir á pga@pga.is fyrir 15 september 2017

Posted in PGA | Lokað fyrir athugasemdir

Golfklúbbur Mosfellsbæjar óskar eftir golfkennara

Golfklúbbur Mosfellsbæjar auglýsir eftir golfkennara til framtíðarstarfa. Golfkennari gegnir lykilhlutverki í starfi klúbbsins og kemur að þjálfun barna, unglinga, afrekskylfinga og almennra kylfinga hjá GM.

STARFSSVIÐ
- Stefnumótun og markmiðasetning varðandi golfþjálfun fyrir almenna kylfinga
- Þjálfun barna unglinga og afrekskylfinga
- Þjálfun almennra kylfinga

MENNTUNAR- OG HÆFNISKRÖFUR
- Viðurkennt PGA golfkennaranám, PGA nemi eða annað sambærilegt nám
- Reynsla af sambærilegu starfi kostur
- Leiðtogahæfni, frumkvæði og sjálfstæði í vinnubrögðum
- Geta til að tjá sig í ræðu og riti
- Jákvæðni, þjónustulund og hæfni í mannlegum samskiptum

Umsóknum skal fylgja greinargóð ferilskrá umsækjenda. Senda skal umsóknir á netfangið gunnar@golfmos.is merkt „Golfkennari GM“ fyrir 1. september 2017 Nánari upplýsingar um starfið veitir framkvæmdastjóri Golfklúbbs Mosfellsbæjar í síma 661-9009 og á netfanginu gunnar@golfmos.is

Posted in Störf | Lokað fyrir athugasemdir